Sa madueom nga kaeangitan nga maeapad
Ro mga grupo it bituon hay gasiga gakontra
Sa gagilak nga malipueon nga buean nakapalibot
Andang mga korte hay eain-eain, kanami tan-awon
May korteng tawo, isda, pispis ag toro
Sang pamatyag hay bukon ako’t saeanhon
Makit-an baea nanda ako nga nagapanangda?
Gaeungay baea sanda iya sa eugta?
Halin sa ibabaw, gapanupod it kahayag
Ginapanami ro ordinaryo nga gabii
Andang kaanyag hay indi mabayluhan
Busa nagapasaeamat ako sa tagtugang maaeam
Dahil kara, kada gabii ako gatangda sa eangit
Ginabantayan ko ro anda nga paghueag
Kon amat ro iba hay gapanago sa daeaura
Gasangkiri ro makit-an ag mas masubo kon mauean
Akon nga handom, kunta indi sanda mag-untat
Sa pagsiga ag pagtao it kalibangan sa tanan
Pero tanan nga butang hay may katapusan
Kaya samtang may oras pa, iapresyarar ko sanda
Comments